Það var nú alltaf meiningin að vera dugleg að taka myndir af þjálfunarhrossum (svo fólk haldi ekki að maður sé bara með eitt hross á járnum), svona fyrst maður væri komin með almenninlega myndavél.  En það er lítið spennandi að taka myndir þegar veðrið er alltaf jafn skítfúlt og það er búið að vera hér mest allan Mars og það sem af er Apríl.

Þetta tryppi heitir Gáta og er undan Gásku og Þokka frá Kýrholti.  Hún er klárhryssa á fimmta vetur og hefur verið að koma skemmtilega síðustu vikurnar og það næst vonandi að sýna hana í vor. Húsafellsfélagar eiga helminginn í þessari hryssu.